posibling dunay kalambigitan sa kampanaya batok illegal nga droga ang hinungdan sa pag-rapido sa wa mailhing mga suspek sa panimay sa usa ka kapitan sa barangay upper kabaknitan lungsod sa batuan nga nahitabo niadtong dominggo sa gabii, kini maoy Gi-butyag ni P/Insp. Sam Dacullo sa Batuan PNP.
Oct 9th, 2014 by Latest News
Matud pa kang P/Inp. Dacullo nga si kapitan Edgardo Uki usa sa mga opisyal sa maong lungsod ang mi-patuman sa kampanya batok illegal nga droga ug di malikayan nga duna siyay maligsan sa iyang trabaho.
Apan gi-klaro sa opisyal sa kapulisan sa maong lungsod nga daghan pa silang angulo nga gitutukan kabahin sa maong panghitabo, diin wa pay matumbok nga primary suspek sa pag-rapido sa panimay ni kapitan uki.
Dugang ni dacullo nga nag-lisod pa usab sila karon nga imbestigahan kung kinsa ang nanag-iya sa usa ka M16 Riffle nga maoy gigamit sa maong krimen diin gi-pailawom pa usab sa eksaminasyon ang mga basiyo sa bala nga narekober sa crime scene.
Subay niini si kapitan uki mapasalamaton nga way bisan usa sa iyang pamilya ang naangin sa pag-pamusil diin iyang usa ka anak nga babae maoy gi-ingong hapit ma-igo sa bala atol sa maong pag-pamusil.
Hinoon gi-butyag sa hepe sa batuan pnp nga duna na silay lead o suspek sa pag-rapido sa panimay ni kapitan uki apan padayon pa nilang gi-tun an ug gipalawman ang imbestigasyon.
Subay sa maong panghitabo gi-pahugtan na sa kapulisan sa batuan ang seguridad ilabi na ang kinabuhi sa pamilya ni kapitan uki.
Link back to: Live Radio Recorded Broadcast Hot Topics
