Gibutyag ni P/Insp. Librado Bigcas hepe sa Sevilla PNP nga dunay mga barangay official sa maong lungsod ang wala nagpakabana kabahin sa kampanya batok illegal nga droga.
Oct 9th, 2014 by Latest News
Matud ni bigcas nga pipila lang sa mga barangay kapitan ug opisyales ang mihatag ug target sa matag barangay nga dunay operasyon kabahin sa illegal nga droga.
Suma niya nga kadtong gi-panghatag nga target sa pipila ka mga barangay mao usab karon ang gi-tutkan pinaagi sa namugnang Barangay Anti Drug Abuse Council kon BADAC.
Gibutyag usab ni libcas nga gamay lang ang operasyon sa illegal nga droga sa nahisgutang dapit ug ila na karong gi-tutukan kung kinsa ang mga nagpaluyo niini.
Kahinumdumang pipila ka mga nagpakabanag lungsuranon ang mi-padangat sa ilang sumbong dinhi sa sibya-anang dyrd nga suma pa nag-pila ang mamalitay ug shabu sa pipila ka dapit lungsod sa sevilla, diin gi-apil pa ang ngan sa hepe nga matud pa lakip usab ang iyang pag-umangkon nga nalambigit sa illegal nga droga.
Apan hugtanong gi-panghimakak ni bigcas ang maong mga pasangil ug matud niya nga way bisan usa sa iyang mga pag-umangkon ang migamit o nagbaligya ug guinadili nga droga sa ilang lugar.
Link back to: Live Radio Recorded Broadcast Hot Topics
