Barangay Mag-aso sa lungsod sa Antiquera dili tanan nay tubig
Oct 11th, 2014 by Latest News
Gipasabot ni Mayor Jose Mario Pahang sa Antequera nga dili tanang bahin sa Barangay Mag-aso naay agas sa tubig tungod kay nalangan ang pagtrabaho gumikan kay mipalit pa og tubo nga nagkantidad og kapin sa usa ka milyon ka pesos nga maoy gihimong bypass o gipuli sa mga nangaguba nunot sa dakong linog nga dili pa dugay nahuman sa pagtaod.
Si Mayor Pahang mipasabot nga dili tanang bahin sa maong barangay naay agas sa tubig apan kung mabalhin na ang bomba sa tubig nga anaa karon sa Barangay Angilan hayan masuplayan na ang tibuok Mag-aso diin ang suplay niini lakip ang sa Barangay Poblacion nagagikan sa Barangay Tabuan.
Mimando usab ang mayor sa mga tinogyanan sa panubig nga tutukan ug paninguhaon gayud nga masulbad ang maong suliran sa dili pa ang kapistahan sa lungsod sa talitapos ning buwana.
Link back to: Live Radio Recorded Broadcast Hot Topics
