NAG-UNA ANG BARANGAY BOOY SA MGA DAPIT SA DAKBAYAN SA TAGBILARAN NGA DAGHANG MGA OUT OF SCHOOL YOUTH
Oct 15th, 2014 by Latest News
Sa 15 ka mga barangay sa siyudad sa Tagbilaran, nag-una ang barangay Booy sa daghang mga Out of School Youth kon OSY nga miabot sa 82 samtang ang kinagamyan mao ang barangay Bool mikabat lamang og 3, sumala sa Dep-Ed City Schools Division.
Gilusad kagahapong adlawa ang Abot-Alam program sa Department of Education sa pagpanguna ni City Schools Division Superintendent Evangel Luminarias. Mitambong usab ang mga opisyal sa dakbayan pinanguluhan ni Mayor John Geesneel Baba Yap, mga tinogyanan sa nagkadaiyang ahensiya sa kagamhanan, NGO’s, mga magtutudlo ug mga kapitan sa barangay.
Subay niini, gibutyag sa coordinator sa Abot-Alam sa siyudad nga si Alberto Lacang nga sa pagkakaron adunay 400 ka mga out of school youth dinhi sa dakbayan target nila nga makuha ang 575 apan nagpadayon pa sila pag-mapping ug validation.
Dugang pa ni Lacang nga miduso na sila ngadto sa Bureau of Alternative Learning System sa 7 ka mga items nga maoy mo-dumala sa maong programa aron masayran nila ang magasto sa maong programa dinhi sa siyudad.
Link back to: Live Radio Recorded Broadcast Hot Topics
