GISAWAY NI MAYOR MARLON AMILA SA TUBIGON ANG HINAY ANG HINAY NGA REHABILITASYON
Oct 17th, 2014 by Latest News
Gisaway ni Mayor Marlon Amila sa lungsod sa Tubigon ang hinay nga rehabilitasyon sa Bohol sa mga naguba sa 7.2 magnitude nga linog nga miigo sa lalawigan sa miaging Ocktobre 15, usa na ka tuig niadtong milabyang mierkules.
Hinuon ang mayor mipadayag sa iyang pagsabot kabahin sa hinay nga rehabilitasyon sa gobyerno kay matud niya dagha’g mga palisiya, kinahanglanon sa pagbangon.
Sa Tubigon, miabot sa 611 ang mga totally damage nga mga balay nga wa pa matukod sa Habitat for Humanity Foundation samtang 3,186 sa mga partially damage nga tag 10 mil pesos ang kantidad matag usa wa pay labot ang 2 mil pesos alang sa cash for work.
Sumala pa kang Mayor Amila nga hangtud karon wa pa usab sila kadawat sa 94 milyones pesos nga gigahin sa nasudnong kagamhanan para sa pagpaayo sa ilang munisipyo nga nagkantidad sa 65 milyones pesos, 16 milyones pesos para sa merkado, 12 miyones pesos para sa pagpaayo sa naguba nga mga barangay hall ug 1 ka milyon ka pesos para sa tulay.
Link back to: Live Radio Recorded Broadcast Hot Topics
