TINUGYANAN SA TRAPIKO SA SYUDAD MIBUTYAG NGA DAGHAN GIHAPONG BADLUNGON NGA DRIVER
Oct 17th, 2014 by Latest News
Gibutyag sa supervisor sa City Traffic Management Office nga si Jeremy”Amit”Miro nga daghan pa gihapon nga mga driver nga masinupakon sa balaod bisag gidili ang pagsulod sa mga sakyanan sa mga kalsada nga dili paagian.
Matud ni Miro nga dili lang ang mga driver sa gagmayng sakyanan ang magpabadlong apil na usab dagko sama sa ten wheeler truck pataas dili motuo sa balaod sa trapiko bisag naay mga No Entry sign gipangbutang ilabina sa panahon sa gabii ug sa mga way gipang-asayn nga mga traffic enforcer.
Nagplano si Miro nga iyang ipatawag ang mga driver sa mga ten wheeler truck pataas aron mapahimangnoan sa ilang katungdanan ilabina sa panahon nga magkarga og mga graba nga nakahatag og kahasol sa ubang sakyanan kung makahagbong ang kargang graba.
Gipasabot usab ni Miro nga temporaryo unang dili paagian sa mga ten wheeler truck pataas ang gikan sa eskina sa Graham Ave. ug sa dan San Jose paingon sa unahan gamay sa eskina sa PMI Taloto pabalik gumikan sa pagkahunlak sa kalsada dapit sa Victoria Memorial Park.
Link back to: Live Radio Recorded Broadcast Hot Topics
