NO PLATE NO TRAVEL POLICY NGA IPATUMAN UNTA KAGAHAPONG ADLAWA GIUKTABA
Oct 17th, 2014 by Latest News
Gi-butyag ni Samuel Alabat officer in-charge sa Land Transportation Office kon LTO dinhi sa probinsya sa Bohol nga temporaryong gi-oktaba ang gikatakda untang pag-patuman sa “no plate, no travel policy” karong adlawa Octobre 16.
Suma pa ni alabat nga ang pag-oktaba sa maong polisiya subay na usab sa kamanduan gikan sa uluhang buhatan sa LTO.
Gi-butyag sa opisyal, gumikan kay wa mi-pakita ug pagtagad ang mga dealer ug sakyanan hinungdan nga temporary unang gi-oktaba ang no plate no travel policy.
Dako matud pa ang mamahimong suliran sa higayong mapatuman ang maong polisiya diin daghan ang mo-reklamo ilabi na kadtong mga bag-ong sakyanan nga wa pay plaka diin madakpan gumikan kay wa maatiman sa mga dealer.
Suma pa nga ang dealer mismo ang mangunay sa pagkuha ug mga bag-ong plaka snglit sila man usab ang mo-distribute sa mga tag-iya ug sakyanan.
Ang masakpan nga nagdagan nga way plaka ang dakpon sa mga tinugyanan sa LTO ug pamultahon og P5,000 subay sa nalatid sa Joint Administrative Order 2014-01.
Subay niini gi-awhag ni alabat ang mga dealer nga lihukon nila ang pag-panguha sa mga bag-ong plaka sa mas labing daling panahon.
Sa Central Visayas, adunay 14,983 ka mga license plates alang sa mga sakyanan samtang 26,000 alang sa mga motorsiklo.
Link back to: Live Radio Recorded Broadcast Hot Topics
