PROGRAMA SA DEPED NGA ABOT ALAM DAKONG TABANG ALANG PAGKUNHOD SA KRIMEN
Oct 17th, 2014 by Latest News
Dakong tabang matud pa ang programang “Abot Alam” sa Department of Education DepEd aron makunhuran ang krimen nga gikalambigitan sa mga menor de edad.
Suma pa ni P/SInsp Adriano Bacus sa tagbilaran city PNP nga mamahimong kabahin usab ang kapulisan dinhi sa syudad sa programa sa depEd ilabi na nga dako kining tabang sa mga kabataan aron malikayan ang paglambigit sa mga binuang ilabi na sa mga bisyo sama sa illegal nga droga.
Usa matud pa sa hinungdan kung nganong dunay mga kabataan nga nalambigit sa nagkadaiyang krimen gumikan na usab kini sa kakulang sa edukasyon nga mo-resulta sa way makuhang maayong trabaho hinungdan nga mo-sulod sa dautang binuhatan.
Mapasalamaton si bacus sa programang abot kamay gumikan kay maghatag kini ug dalan aron nga mahimong tul-id ang dalan dili lang sa mga kabataan apan lakip na kadtong nahimo nalang standby.
Link back to: Live Radio Recorded Broadcast Hot Topics
