Kalambiugitan sa ginadiling drugas ang honongdan sa pagpatay didto sa lungsod sa Sagbayan – Police
Oct 22nd, 2014 by Latest News
Giangkon sa kapolisan nga wa pa nila mailhi hangtud karon kinsa ang nipusil patay sa usa ka lalaki naidtong sabado sa gabii didto sa Barangay Kabasakan sa lungsod sa Sagbayan.
Gipusil ang biktima nga si Arnel Macabudbud diha sa iyang aping ug dughan nakaingon sa iyang kamatayon sa wa masayri nga kalibre sa armas.
Si PO3 Hermes Sanchez sa Sagbayan Police Station mibutyag sa DYRD Balita nga illegal nga drogas ang ilang gitumbok nga hinugdan sa pagpatay tungod kay nalambigit man sa kalihukan sa pagpayuhot sa ginadiling drogas ang biktima didto sa lungsod sa Carmen.
Ang biktima nga hingkod na sa panuigon nga taga Brgy. Villa Arcayo, Carmen gipusil patay samtang mibisita sa iyang hinigugma sa Sagbayan.
Suma hinuon ni PO3 Sanchez nga way nakuhang shabu gikan sa posesyon ni Macabudbud dihang ilang gisusi ang lawas niini.
Link back to: Live Radio Recorded Broadcast Hot Topics