Mga tinugyanan sa panglawas sa Bohol nangandam kon simbako makasulod sa nasod ang ebola virus
Oct 23rd, 2014 by Latest News
Nangandam gihapon ang mga tinogyanan sa panglawas dinhi sa Bohol batok sa Ebola virus bisag way pahibaw ang ulohang buhatan sa Departamento sa Kasanihan nga adunay nakasulod nga kaso sa ebola dinhi sa nasud ug sa lalawigan ug aron malikayan ang pagkatap sa nahisgutang sakit.
Wa pa hinuoy tawo nga nataptan sa maong virus dinhi sa Pilipinas gikan sa mga nasud sa South Africa apan kung aduna man mao kini ang monitoron sa PHO.
Gibutyag sa Provincial Health Officer nga si Dr. Reymoses Cabagnot nga gi-ugmad karon ang Research Institute for Tropical Medicine nga maoy moatiman sa nahisgutang kaso nangandam usab batok sa Ebola nga moabot sa 50- 90 porsyento ang fatality rate niini.
Ang lalawigan sa Bohol walay international port of entry dili pareha sa manila ug sugbo nga adto unang mahibaw-an kung adunay bay mga pasahero sa abyon gikan sa nasud sa sierra Leone ug ubang dapit sa South Africa nga nataptan sa Ebola virus.
Hinuon luwas pa gihapon ang Pilipinas sa hulga sa Ebola. Bisag gikahadlokan ang maong sakit apan kung sakto ang himuong pagpangandam dili angay mahadlok ang mga tawo sa maong virus nga motakod pinaagi sa singot o laway sa tawo.
Link back to: Live Radio Recorded Broadcast Hot Topics