Pipila ka mga boarding house dinhi sa Tagbilaran wala makatuman sa pamaagi sa paglikay sa sunog
Nov 5th, 2014 by Latest News
Pipila ka mga boarding house dinhi sa Tagbilaran wala makatuman sa pamaagi sa paglikay sa sunog
Gibutyag sa hepe sa Tagbilaran City Fire Station nga aduna pa gihapoy mga tag-iya sa mga boarding house dinhi sa dakbayan nga wa motuman sa patakaran kabahin sa paglikay sa sunog.
Matud ni F/SInsp. Manases Bautista nga kasagaran sa mga malapason sa lagda sa balaod sa sunog mao ang mga balay nga gigamang boarding house kon balay nga paabangan maong dili kini mahatagan og safety inspection certificate gikan sa Bureau of Fire Protection.
Ginagmay lang hinuon ang mga kalapasan sama sa gipangsirad-ang fire exit ug mga wa pag-refill sa mga fire extinguisher maong giawhag sa pagtuman sa fire code alang sa kaluwasan sa mga katawhan.
Ang maong suliran gikatakdang hisgutan sa mayor sa dakbayan ug sa mga tinogyanan sa Fire department karong semanaha.
Link back to: Live Radio Recorded Broadcast Hot Topics
