NAGPABILIN PANG GAWASNON HANGTUD KARON ANG GIKATAHAPAN SA PAGPATAY SA USA KA LALAKI SA NIAGING SABADO SA GABII SA BARANGAY CANMAYA DIOT SA LUNGSOD SA SAGBAYAN
Nov 11th, 2014 by Latest News
LOKAL NGA BALITA
NOV. 10-14
REYTUT’s
Padayon karong gipangita sa kapolisan ang lalaki ug ang asawa niini nga gitumbok nga maoy mipatay sa iyang bilas niadtong sabado sa mga alas sais sa gabii sa Sitio Matunhay, Brgy. Canmaya Diot sa lungsod sa Sagbayan.
Ang gikatahapan giila nga usa ka Ambrosio Bitang,51 anyos nagpuyo sa maong dapit sa nahisgutang lungsod
Matud ni PO1 Felipe Bituin sa Sagbayan Police Station nga nagpabilin gawasnon hangtud karon ang suspetsado nga miikyas human sa maong kremin.
Patay na nga nahidangat sa tambalanan ning siyudad ang biktima nga giilang usa ka Emiliano Tupas, 62 anyos human nakaangkon og mga samad sa nagkadaiyang bahin sa iyang lawas samtang anaa pa karon sa tambalanan ug gikatahong luwas na sa kuyaw’ng kahimtang ang kapuyo niini nga giilang usa ka Zenaida Lumanib, 45 anyos nga samaran usab.
Sumala pa sa taho nga gi-atangan sa gikatahapan ang duha ka mga biktima samtang padulong kini mopauli lulan sa usa ka motorsiklo.
Dugang pa ni PO1 Bituin nga panagbangi sa yuta ang hinungdan sa maong pagpanigbas.
Link back to: Live Radio Recorded Broadcast Hot Topics
