NAKABALIK NA SA DAGAT ANG DOLPHIN NGA NAPALGANG DUNAY GARAS SA LAWAS SA KADAGATAN SA BARANGAY MAYACABAC SA LUNGSOD SA DAUIS
Nov 14th, 2014 by Latest News
LOKAL NGA BALITA
NOV. 14,2014
REYTUT’s
NAKABALIK NA SA DAGAT ANG DOLPHIN NGA NAPALGANG DUNAY GARAS SA LAWAS SA KADAGATAN SA BARANGAY MAYACABAC SA LUNGSOD SA DAUIS
Malampusong nabalik sa kadagatan kagahapon sa mga alas 12:30 sa kaadlawon sa mga tinogyanan sa Bureau of Fisheries and Aquatic Resources ug sa mga mananagat ang Dolphin nga napalgang dunay garas sa lawas kagabii sa Dauis.
Usa ka Bottlenose nga matang sa Dolphin ang nakit-an sa mga mananagat sa baybayon sa Sitio Bagong Silang, Barangay Mayacabac sa lungsod sa Dauis.
Ang maong dolphin adunay gitas-on nga 2.5 ka metros samtang gibana-banang 1 ka metro ang girth kon kadak-on sa lawas niini.
Gituohan sa tinogyanan sa BFAR nga naigo ang dolphin sa motor de bangka ug napaingon sa kabatuan nga bahin sa dagat hangtud nga napadpad sa baybayon.
Matud ni Provincial Fishery Officer Cresencio Pahamutang nga wala na nila tambali og betadine ang naangol nga dolphin gumikan sa kalihok niini gani mahadlok sa mga tawo.
Link back to: Live Radio Recorded Broadcast Hot Topics
