GITUMBOK SA KAPOLISAN NGA KOMPETENSIYA SA NEGOSYO ANG MOTIBO SA PAGPATAY SA USA KA LAB-ASERO SA BARANGAY BAGACAY SA LUNGSOD SA TALIBON
Nov 21st, 2014 by Latest News
LOKAL NGA BALITA
NOV. 21,2014
REYTUT’s
GITUMBOK SA KAPOLISAN NGA KOMPETENSIYA SA NEGOSYO ANG MOTIBO SA PAGPATAY SA USA KA LAB-ASERO SA BARANGAY BAGACAY SA LUNGSOD SA TALIBON
Gibutyag sa kapolisan sa Talibon nga aduna na silay lead sa pagpusil patay sa usa ka lab-asero sa niaging mierkules sa hapon sa pantalan sa Barangay Bagacay sa lungsod sa Talibon. Matud ni SPO2 Bonifacio Flores Jr., investigator sa Talibon PNP nga kompetensiya sa negosyo ang motibo sa pagpatay sa biktima nga si Remegio Evalle alyas Bogs, nagpuyo sa Brgy. San Jose sa nahisgutang lungsod.
Subay sa pamahayag sa duha ka testigo sa kremin nga gipusil sa gun for hired ang 44 anyos nga biktima samtang nagmaneho sa trak de karga sa duha ka lalaki nga nakamotorsiklo sa nagkadaiyang bahin sa iyang lawas hinungdan sa iyang kamatayon.
Gitinguha sa kapolisan nga masulbad ang kremin pinaagi sa mga testigo apan wa gibutyag ni Flores ang dugang pang kasayuran aron dili matugaw ang ilang gihimong imbestigasyon.
Link back to: Live Radio Recorded Broadcast Hot Topics