Lain na usab nga kaso sa planong pagpalusot ug illegal nga droga sulod sa compound sa bohol district jail
Feb 26th, 2015 by Latest News
Lain na usab nga kaso sa planong pagpalusot ug illegal nga droga sulod sa compound sa bohol district jail ang nahitabo kagahapong adlawa Pebrero 24 alas 10:20 sa buntag.
Suma pa kang jailwarden jose rosebel abueva nga usa gihapon ka babaye ang nakuhaan ug sachet sa gituuhang shabu sa mga gwardya sa dihang padulong kining mo-sulod sa maong bilanguan.
Ang suspek gipailang usa ka charro rosas acuesta hingkod ang panuigon diin paingon unta kining mo-bista sa iyang ka live in-partner.
Gi-asoy ni abueva nga dala sa suspek ang usa ka pakete sa gituuhang shabu nga gitago kini sa ilawom sa pat sa bra sa maong suspek, apan wala kini milampos sanglit mas gipahugtan pa ang seguridad sulod sa BDJ.
Sa pagkakaron ang gikatahapan kasamtangang gibalhug sa lock-up jail sa kapulisan ning syudad samtang tukmang kaso ang gikatakdang ipasaka batok sa suspetsado.
Karong tuiga mao kini ang ikaduhang panghitabo nga dunay nasikop sa planong pagpalusot ug illegal nga droga sulod sa bilanguan apan susamang pakyas sa ilang mga tuyo.
Link back to: Live Radio Recorded Broadcast Hot Topics
