Himoon sa Provincial Environment and Natural Resources Office dinhi sa bohol ang pagpananum ug mga kahoy diha sa kadagatan ning lalawigan.
Feb 27th, 2015 by Latest News
By Allen Doydora
Himoon sa Provincial Environment and Natural Resources Office dinhi sa bohol ang pagpananum ug mga kahoy diha sa kadagatan ning lalawigan.
Matud ni PENRO officer Nestor Canda nga himoon ang pagpananum karong umaabot nga bakasyon diin mokabat sa 31 na ka mga munisipalidad sa pagkakaron ang nalakip sa ilang target nga matamnan, partikular na kadtong mga dapit nga delikado nga maigo sa mga dagkong balud panahon kung adunay bagyo.
Mokabat usab sa 1,200 ka hektarya ang target sa PENRO nga matamnan karong tuiga.
Matud ni canda nga makiglambigit usab sila sa nagkadaiyang ahensya sa gobyerno aron mo-tabang sa maong programa.
Sa pagkakaron gibutyag ni canda nga gipailwom na sa pag-bansay bansay ang mga sakop niini nga mao usab ang mo-tudlo ngadto sa mga kalungsuran kabahin sa pagtanum ug mga kahoy nga mo-tubo sa dagat.
Link back to: Live Radio Recorded Broadcast Hot Topics