GIPASABOT NI LIZA QUIROG, HEAD SA SOCIO-ECONOMIC AND ENVIRONMENTAL MANAGEMENT SA KAPITOLYO NGA GI-UNA OG PAGTAGAD SA PROTEAMS ANG MGA LUGAR DINHI SA BOHOL NGA ADUNAY MGA SULIRANG KINAHANGLAN NGA TABANGAN OG SULBAD SA MGA AHENSIYA SA GOBYERNO
Mar 1st, 2015 by Latest News
Gipasabot ni Liza Quirog, head sa Socio-Economic and Environmental Management kon SEEM Cluster sa kapitolyo nga gi-una nila og pagtagad ang mga dapit dinhi sa Bohol nga adunay mga sulirang kinahanglan nga tabangan og sulbad sa mga ahensiya sa gobyerno.
Kini ang pamahayag ni Quirog atul sa programang”Kita ug ang Gobernador” kagahapon sa buntag.Kini ang iyang tubag sa pangutana sa pipila ka mga tawo kung unsay gibasihan sa pagpili sa pag-una og tagad sa mga lugar nga gipang-adtuan sa ProTeams alang sa programang Countryside Development Program-Purok Power Movement kon CDP-PPM.
Ang SEEM Cluster head nagkanayon nga dunay mga problema sa mga barangay nga kinahanglang tabangan sa mga ahensiya sa gobyerno sa pagsulbad sama sa suliran sa yuta, panginabuhian ug kalinaw ug kahusay ingon man usab mga kalapasan sa mga kababayenhan ug mga kabataan.
Sa pagkakaron, dunay 30 ka mga barangay sa Bohol padayon nga gitabangan sa mga ahensiya sa gobyerno pinaagi sa programang CDP-PPM uban sa HEAT-IT Bohol Caravan.
Link back to: Live Radio Recorded Broadcast Hot Topics