WALA KATAMBONG SA HEAT-IT BOHOL CARAVAN KAGAHAPON SA LUNGSOD SA BILAR ANG KALIHIM SA DEPARTMENT OF LABOR AND EMPLOYMENT NGA SI ROSALINDA BALDOZ UG GIPADALA NA LANG NIYA SI UNDERSECREATRY REYDELUZ CONFERIDO NGA MAOY NIPIRMA SA KASABUTAN ALANG SA JOBSTART PHILIPPINES SA PANGAGAMHANANG PROBINSIYAL SA BOHOL TALI SA DOLE, ASIAN DEVELOPMENT BANK UG SA PANGAGAMHANAN SA CANADA
Mar 6th, 2015 by Latest News
LOKAL NGA BALITA
MARSO 5, 2015
REYTUT’S
WALA KATAMBONG SA HEAT-IT BOHOL CARAVAN KAGAHAPON SA LUNGSOD SA BILAR ANG KALIHIM SA DEPARTMENT OF LABOR AND EMPLOYMENT NGA SI ROSALINDA BALDOZ UG GIPADALA NA LANG NIYA SI UNDERSECREATRY REYDELUZ CONFERIDO NGA MAOY NIPIRMA SA KASABUTAN ALANG SA JOBSTART PHILIPPINES SA PANGAGAMHANANG PROBINSIYAL SA BOHOL TALI SA DOLE, ASIAN DEVELOPMENT BANK UG SA PANGAGAMHANAN SA CANADA
Wala katambong atul sa gipahigayong HEAT-IT Bohol Caravan kagahapong adlawa sa lungsod sa Bilar si kalihim Rosalinda Baldoz sa Department of Labor and Employment. Wala katambong si Baldoz tungod sa usa ka konperensiya didto sa Manila.
Gipadala niya si Undersecretary Reydeluz Conferido nga maoy nilagda sa Memorandum Of Agreement alang sa Jobstart Philippines tali sa pangagamhanang probinsiyal sa Bohol, Asian Development Bank ug Canadian International Development Agency kon CIDA.
Gipasabot ni Undersecretary Conferido nga tumong sa programang Jobstart Philippines nga mahatagan og kapanarbahuan ang mga kabataan pinaagi sa paghatag kanila sa agianan sa teknikal ug life skills training, pagmatuto ug pag-ugmad sa ilang pagpangita og trabaho’g abot. Ang katuyuan usab niini mao ang isaka ang job placement rate sa mga kabatan-onan gikan sa kasamtangang 60 ngadto sa 65 porsyento hangtud na sa 80 porsyentong rate.
Ang ika 21 nga HEAT-IT Caravan sa kagamhanang probinsiyal nga gipanguluhan ni Gobernador Edgar Chatto gitambungan ni TESDA Director General Secretary Joel Villanueva gi-apilan sa mga nagkalain-laing ahensiya sa gobyerno ug pribadong sector nihatod og libreng serbisyo ngadto sa mga katawhan.
Link back to: Live Radio Recorded Broadcast Hot Topics