TALIBON – Usa ka tawo gipusil
Mar 8th, 2015 by Latest News
DYRD RADYO BALITA
REPORT BY Cecilio Remolador
08 March 2015
TALIBON – Patay ang 22 anyos nga motorista human gipusil sa wa mailhing gikatahapan . Nahitabo ang pagpamusil mga alas 4:30 sa sayong kaadalawon sa milabayng sabado Marso 7 , 2015 didto sa barangay San Jose , Talibon .
Ang biktima giila sa nagrespondeng kapolisan sa Talibon nga Juarez M. Ramos ulitawo molupyo sa barangay San Jose , Talibon . Base sa asoy sa pipila ka mga residente nga matud pa ilang nabati ang tulo ka mga buto sa armas de fuego .
Pipila ka gutlo ilang nakita ang naga buy-od nga biktima sa kalsada . Nakaangkon ug pinusilan sa likod ug nawong ang maong biktima hinungdan sa hinanali niining kamtayon . Napalgan sa kapolisan sa lugar sa krimen ang duha ka mga bala , usa ka kabhang sa kalibre .45 nga armas de fuego ug duha ka mga cell phones .
Padayon pang gitino sa kapolisan sa Talibon ang hinungdan sa maong pagpamusil patay . ( 07 0430hmar.sat. )
Link back to: Live Radio Recorded Broadcast Hot Topics