BY C. REMOLADOR,
CATIGBIAN – Gironda sa kapolisan sa Catigbian ang panimay sa gikatahapang tigpayuhot sa ginadili nga drugas didto sa barangay Mahayag Norte , Catigbian mga alas 11:00 sa buntag adlawng biernes Marso 13 , 2015 .
Ang gikatahapan giilang Florencio M. Lumantas 39 minyo molupyo sa maong dapit . Napalgan sa kapolisan atol sa ronda ang tulo ka putos sa gidudahang drugas ug laing tulo ka putos nga adunay lawog sa gitohoang shabu lakip ang mga kahimanan sa ginadili nga drugas . Kasamtangan karong gikustodiya sa kapolisan sa Catigbian ang maong gikatahapan . ( 13 1100hmar.fri. )
SIERRA BULLONES – Malamposong nasikop sa kapolisan sa kampo Dagohoy nga gipangunahan ni Police Senior Insp. Vincent Paul Dumaguing sa gipahigayon niining buy-bust operation batok sa gikatahapang Benjie B. Jalop nga taga barangay , Danicop , Sierra Bullones .
Positibong napalitan ug usa ka putos sa gidudahang drugas ang maong suspetsado kantidad sa P200 ka pesos mga alas 3:55 sa hapon adlawng viernes didto sa barangay Magsaysay , Sierra Bullones . Nakuha ang lain pang duha ka putos sa gidudahang drugas ug pipila ka mga kahimanan sa drugas .
Gibutyag sa kapolisan nga ang maong suspetsado nahitala sa Drugwatchlist sa kampo Dagohoy. Kasamtangan karong nabalhug sud sa selda sa kampo Dagohoy ang maong gikatahapan . ( 13 hmar.fri. )
Link back to: Live Radio Recorded Broadcast Hot Topics
