Andam na ang Oplan Kalag-Kalag sa Land Transportation Office isip pag-obserba sa adlaw sa mga santos ug patay karong nobyembre 1 ug 2.
Oct 24th, 2014 by Latest News
Suma pa kang Samuel Alabat officer in-charge sa LTO nga adunay ilang mga personahe nga ibutang sa Bus Terminal, aron maoy mo-susi sa kahimtang sa mga sakyanang mobiyahe sa nagkadaiyang destinasyon dinhi sa probinsya.
Gi-pahimangnuan nang daan ni alabat ang mga bus driver nga gi-dili ang overloading sa mga pasahero ug siguruhon usab nga anaa sa kondisyon ang ilang mga sakyanan una mo-biyahe aron masiguro ang kaluwasan niini.
Dili lang bus kon di lakip na ang mga v-hire, jeep ug uban pa.
Samtang mo-dawat usab ang LTO ug mga reklamo nga dunay kalabutan sa mga biyahe sa mga sakyanan pinaagi sa ilang ibutang sa assistance desk sa mga pampublikong dapit.
Gawas niini susihon usab sa mga personahe sa LTO ang mga sementeryo ilabi na dinhi sa syudad aron masigurong nga way magpataka ug parking sa ilang mga sakyanan nga moay hinungdan sa pagkatrapik sa mga dalan.
Link back to: Live Radio Recorded Broadcast Hot Topics