DOLE GILAUMAN NGA MAKAPAGAWAS NA OG DESESYON SA USBAW SA SUHULAN SA BOHOL KARONG TUIGA. – Allen Doydora
Oct 14th, 2014 by Latest News
Gilaumang di pa mahuman karong tuiga aduna nay desisyon nga ipaguwa ang Department of labor and employment DOLE region 7 kabahin sa sugyot nga pag-usbaw sa suhulan sa mga pribadong kompanya dinhi sa lalawigan sa bohol.
Kini maoy giluwatang pamahayag ni DOLE 7 Regional Director Exequiel R. Sarcauga atol sa pakighinabi sa Dyrd balita dungan sa gipahigayong public hearing kabahin sa sugyot nga pag-apruba sa 13 pesos cost of living allowance (COLA) sa mga pribadong kompanya dinhi sa syudad.
Matud pa kang sarcauga nga tun-an pa nila karon ang ipadangat nga mga position paper sa mga private employer nga mag-tinguha sa pagpasaka ug suhulan ngadto sa ilang mga empleyado.
Gi-pasabot sa opisyal nga dunay mga basehanan aron nga makahatag ug desisyon ang wage board labot sa pag-apruba sa 13 pesos nga usbaw sa suhulan ug usa niini mao ang paglantaw sa panginahanglanon sa mga empleyado nga di usab ma-lugi ang kompanya.
Subay niini ang wage board nag-awhag sa mga pribadong kompanya nga mo-duso ug position paper nga planong ipatuman ang 13 pesos cost of living allowance (COLA).
Link back to: Live Radio Recorded Broadcast Hot Topics
