DOLE mipahimanglo sa mga employer kalabot sa sumbanan sa swelduhan ning umaabot nga Nobembre 1 atol sa kalag-kalag
Oct 28th, 2014 by Latest News
Nagpahinumdom ang Department of Labor and Employment kon DOLE sa mga employers nga motuman sa “pay rules” kalabot sa taliabot nga holiday, Nobyembre 1, All Saints Day.
Matud ni Dino Irig, ang Labor Employment Officer III sa buhatang probinsiyal sa DOLE nga ang Nobyembre 1 natungod sa adlwang Sabado mao nga usa kini ka Special Holiday.
Suma ni Irig nga sa mga mamumuo nga dili mosulod sa trabaho sa maong adlaw, ipatuman ang “No Work, no Pay Policy” apan ang mga kawani nga nagtrabaho sa maong adlaw, dugang 30 porsyento sa ilang kada adlaw nga rate sa unang walo ka oras samtang dugang pa nga 30 porsyento sa hourly rate sa ilang overtime.
Sa mga mamumuo usab nga nagtrabaho sa maong adlaw bisag ilang day-off kinahanglang bayran ug dagang 50 porsyento sa ilang daily rate alang sa unang walo ka oras ug kung mo-overtime ang usa ka kawani dugang 30 porsyento sa ilang hourly rate .
Dugang pa ni Irig nga usa ka ordinary day ang Nobyembre 2,kalag-kalag.
Link back to: Live Radio Recorded Broadcast Hot Topics
