GIPAMAHAYAG NI KONGRESISTA RACHEL”BABY” ARENAS SA PANGASINAN NGA KATUNGOD NI BISE PRESIDENTE JEJOMAR BINAY NGA DILI MOTUNGA SA IMBESTIGASYON SA SENADO KABAHIN SA MGA PASANGIL NGA KORAPSYON APAN KINAHANGLAN UNTANG MOTAMBONG KAY NAGPAABOT ANG MGA KATAWHAN SA KAMATUORAN
Nov 11th, 2014 by Latest News
LOKAL NGA BALITA
NOV. 11,2014
REYTUT’S
Girespeto ni Kongresista Rachel “Baby” Arenas sa ikatulong distrito sa Pangasinan ang desisyon ni Bise Presidente Jejomar Binay sa kanunay pag-isnab sa imbestigasyon sa senado kabahin sa mga anomaliya nga gibato batok sa bise presidente.
Matud ni Kongresista Arenas nga katungod sa bise presidente kung motambong ba o dili sa mga pakisusi sa senado apan kinahanglan unta nga motunga kay nagpaabot usab ang mga katawhan sa kamatuoran.
Pipila na kahigayon nga wa tagda sa bise presidente ang pagpatawag sa senate blue ribbon sub-committee kay gusto niini nga ang mother committee, ang senate blue ribbon Committee ang mo-imbestigar batok kaniya.
Ang mga pasangil nga gibatok batok sa ikaduhang pinakadakong opisyal sa nasud sama sa matud pa pagpalabaw sa presyo sa Makati City Parking Building 2 ug ang giingong 350 ka ektaryang hacienda sa Rosario, Batangas.
Sa labing ulahing pagdapit sa senado kang Binay niadtong niaging semana, wa motunga ang bise presidente ug niadto na hinuon sa Sugbo.
Link back to: Live Radio Recorded Broadcast Hot Topics
