Hinay-hinay nga mikunhod ang kaso nga dunay kalambigitan sa pagpangarnap ug sakyanan dinhi sa dakbayan sa tagbilaran gikan sa buwan sa enero hangtud sa buwan sa oktubre ning tuiga.
Nov 1st, 2014 by Latest News
Hinay-hinay nga mikunhod ang kaso nga dunay kalambigitan sa pagpangarnap ug sakyanan dinhi sa dakbayan sa tagbilaran gikan sa buwan sa enero hangtud sa buwan sa oktubre ning tuiga.
Kini base sa presentasyon ni Bohol Provincial Police Office Director Dennis Agustin atol sa gihimong Provincial Peace And Order Council kon PPOC sa governor’s mansion karon adlawa octobre 31.
Base sa talaan sa bppo nga gipakita ni agustin, niadtong buwan sa enero ning tuiga adunay 4 ka kaso sa carnapping ang natala sa kapulisan, 15 sa buwan sa pebrero, 21 sa marso, 17 sa abril, 10 sa mayo, 6 sa hunyo, 4 sa hulyo, 4 sa agusto, 3 sa septyembre ug 5 sa octobre.
Subay niini gi-dayeg usab ni agustin si Tagbilaran City PNP Chief P/Insp. George Valle gumikan sa paningkamot niining makunhuran ang krimen nga gikalambigitan sa pag-pangawat ug sakyanan.
gawas sa pag-kunhod sa kasong carnapping gi-dayeg usab ni agustin si valle sa lain pang mga kalampusan nga nahimo niini sama na lamang sa pagkasikop sa gi-ingong big-time drug pusher nga si Tyron Animas niadtong oktubre 4 kauban niini ang usa ka Ronald Telmo ug ang napatay nga si Gregor Aranas.
Gumikan niini gi-pasigarbo ni agustin nga nagkahiusa ang kapulisan sa dakbayan sa pagsulbad sa mga nagkadaiyang krimen ilabi na sa kaso sa illegal nga droga.
Samtang gi-presenta usab ni agustin ang mga kalampusan sa ubang kalungsuran kabahin sa kampanya batok sa illegal nga droga sama na lamang sa lungsod sa talibon diin ning bag-uhay lang laing level 3 nga drug personality ang nasikop diin nakuhaan kini ug daghang mga pakete sa shabu lakip na ang mga kalibre sa armas.
Link back to: Live Radio Recorded Broadcast Hot Topics