KAPOLISAN MOPALAWOM SA ILANG IMBISTIGASYON KALABOT SA NAHITABONG TULIS SA USA KA PRENDAHANAN
Oct 16th, 2014 by Latest News
(UPDATE).. Hangtud karon wa pa mailhi sa kapolisan kinsa ang milungkab sa Reliable Pawnshop diha sa eskina sa CPG Ave. ug sa dan Lessage sa miaging semana nga nakuhaan og salapi nga 30 mil pesos ug mga alahas, cellphone ug laptop nga nagkantidad sa kapin sa 400 mil pesos.
Matud ni P/SInsp. Adriano Bacus, ang deputy chief of police ug hepe sa Theft and Robbery Section sa Tagbilaran City Police Station nga gipalawman nila ang ilang imbestigasyon kay gikahibudngan nila nga way nahitabong pugos nga pagsulod sa ibabaw nga bahin sa maong prendahanan ug ang sawog sa ibabaw ang gibuhoan gituohang gigamitan og barina.
Dugang pa niya nga gitun-an pag-ayo sa mga gikatahapan ang gihimong paglungkab gani giputol man ang koneksyon sa CCTV Camera lakip na ang kabli sa telepono.
Giangkon usab ni Bacus nga maglisod sila og kuha’g fingerprint sa nahipos nila nga screwdriver, plier ug uban pa nga maoy gigamit sa paglugit sa kaha de yero.
Nagduda ang kapolisan nga mga sakop sa Acytelene gang ang milungkab sa maong prendahanan nga gipanag-iya sa usa ka Luz Sarmiento taga Brgy. Taloto ning siyudad.
Link back to: Live Radio Recorded Broadcast Hot Topics
