Mga Bangka ning Lalawigan sa Bohol daghan ang walay prangkisa – Marina
Oct 10th, 2014 by Latest News
Gibutayag sa tinugyanan sa MARINA nga si Norma Enriquez nga daghag mga walay prangkisa nga mga Bangka dinhgi sa lalawigan nga padayong nag-operate nga wala magparehistro sa ilang buhatan gumikan sa daghang mga panginahanglan nga makahatag og kahasol sa mga tag-iya.
Matud ni Norma Enriquez, daghan ang wa mokuha og mga prangkisa kay mahasol ang mga tag-iya tungod kay daghan kaayo ang mga rekisito nga gikinahanglan sa pagparehistro.
Gitumbok niya ang lungsod sa Panglao nga moabot sa kapin sa usa ka gatos ka mga de-pasaheroang bangka mga kolurom ug ang lungsod sa Talibon.
Kinahanglang motabang unta ang mga LGU sa pagdasig sa mga tag-iya sa pagparehistro sa ilang mga sakyanang pandagat mapa-cargo, panagatan ug de pasaheroan.
Gisugyot usab niya ngadto sa mga LGU nga motabang sa pag-regulate pinaagi sa pagbutang og usa lang ka dunggo-anan aron sayon ang ilang pagmonitor.
Ang tinogyanan sa MARINA dinhi sa lalawigan miawhag sa mga tag-iya og bangka sa pagparehistro ilabina kadtong nag-operate nga wa mga prangkisa sa ilang buhatan.
Link back to: Live Radio Recorded Broadcast Hot Topics
