Napulo ka tolinada nga basura ang nahipos atoll sa kalag-kalag dinhi sa dakbayan sa Tagbilaran
Nov 4th, 2014 by Latest News
Gibutyag sa hepe sa buhatan sa Solid Waste Management dinhi sa dakbayan nga gibana-banang niabot ngadto sa 10 ka toneladang basura ang ilang nahakot sulod sa nilabayng adlaw sa mga santos ug kalag-kalag.
Matud ni Lito Taladua nga ang kasagaran sa ilang mga nahakot nga basura mga Styrofoam, plastic , buwak apan wa na sila mosulod sa mga menteryo igo na lang nila kini gipanghapit.
Sa pagkakaron, 7 pa gihapon ka trak ang gigamit sa paghakot diin ang unom niini maoy mohakot sa mga basura sa 15 ka barangay samtang ang usa maoy gamiton para sa nagkadaiyang merkado sa siyudad.
Dugang pa ni Taladua nga hangtud karon aduna pay mga buwak nga anaa pa sa mga pantiyon apan ilaha gihapon kini panghiposon.
Hinuon, anaa na sa mga 80 porsyento ang nisunod sa balaod sa paghipos og mga basura dinhi sa siyudad, suma ni Taladua.
Link back to: Live Radio Recorded Broadcast Hot Topics
