Pagsaulog sa Kalag-Kalag gohulagway nga malinawon sa lalawigan sa Bohol
Nov 4th, 2014 by Latest News
Gihulagway sa Bohol Police Provincial Police Office nga sa kinatibuk-an malinawon ang lalawigan sa Bohol sa paghandum sa adlaw sa mga santos ug kalag-kalag niadtong Nobyembre 1 ug 2.
Gitaho ni P/Supt. Joie Pacito Yape, ang Public Information Officer sa BPPO nga sugod sa pagbukas sa adlaw sa mga santos hangtud na sa pagtak-op sa kalag-kalag walay mga nakamantsa sa hilom nga pagtimaan sa nilabyang duha ka adlaw.
Kahinumdoman nga gipaniguro ni Provincial Director Senior Superintendent Dennis Agustin ang seguridad sa mga menteryo, pantalan, tugpahanan ug mga terminal sa bus ug jeep nga gipangbutangan og mga pulis maong naangkon gayud ang kahusay ug kalinaw sa probinsiya nunot usab sa pag-abag sa mga katawhan ug sa mga nagkalain-laing sektor ug ahensiya sa kagamhanan.
Apan matud ni Yape nga bisag gihandum ang kalag-kalag, nagpadayon gihapon sila sa paglutos sa illegal nga drogas ug sa uban pang illegal nga kalihukan.
Link back to: Live Radio Recorded Broadcast Hot Topics
