Pipila ka lungsod nakapasa na og POW apan gibalik gumikan kay wala makasunod sa sumbanan
Oct 22nd, 2014 by Latest News
Gibutyag ni Mayor Jacinto Naraga sa lungsod sa San Isidro nga nakapasa na sila sa program of works sa mga inprastraktura nga ayuhon ug tukuron sa ilang lungsod aron ihulip sa mga nangaguba sa 7.2 magnitude nga linog nga miigo sa Bohol niadtong miaging tuig apan gipasabot sa mayor nga gibalik kanila sa buhatang probinsiyal sa DILG ang ilang gisumite nga programs of work gumikan sa istrikto kaayo ang sumbanan sa pagama og proyekto.
Gibutyag ni Mayor Naraga nga nag-hire sila og kaugalingong 4 ka civil engineer ug 5 ka architect aron lang mahipno ug matarong ang pagama og POW.
Ang lungsod sa San Isidro nga adunay 32 ka proyekto sa rehabilitasyon usa lamang sa walo ka lungsod sa Bohol nga gikatahong wa pay napasa nga bisan usa ka program of works. Ang laing 7 usab lungsod nga wa pa ka sumite sa ilang programs of works mao ang mga lungsod sa Cortes nga adunay 15 ka proyekto sa rehabilitasyon , Maribojoc dunay 67, Inabanga-53, Sikatuna- 20, 24 sa Batuan, Garcia Hernandez- 11 ug Pilar- 20.
Sa 2.3 bilyon ka pesos nga BEA-DILG fund, mikabat sa 85.1 milyon ka pesos ang pahat sa San Isidro para sa pagpaayo sa mga naguba nga Munisipyo, Barangay Hall ug panubig.
Link back to: Live Radio Recorded Broadcast Hot Topics