Sangguniang Panlalawigan sa Bohol mipasar og resolusyon nga nagpasalamat ni Presidente Aquino sa padayong pagtabang sa Bohol
Oct 25th, 2014 by Latest News
Nipasar pinaagi sa hiniusang mosyon ang mga bokal sa probinsiya og usa ka resolusyon nagpadayag sa pagpasalamat kang Presidente Benigno Aquino III ug sa mga miyembro sa iyang gabinete sama nila ni DILG sec. Mar Roxas , DSWD Sec. Dinky Soliman ug Budget Sec. Butch Abad sa padayong pagtabang ug pagsuporta sa wa pa ug paghuman sa 7. 2 magnitude nga linog nga niigo sa lalawigan sa Bohol niadtong Oktobre 15 sa niaging tuig.
Gipasar ang maong resolusyon nga giduso ni Bokal Abeleon Damalerio sa unang distrito atol sa regular session sa Sangguniang Panlalawigan kagahapong adlawa nga gipangunahan ni Senior Board Member Dionisio Balite sa ikatulong distrito.
Kahinumdoman nga sa miaging adlaw, nipalusot usab ang League of Municipalities of the Philippines Bohol Chapter og duha ka resolusyon nga napalabang pinaagi sa hiniusang mosyon nagpasalamat kang presidente Aquino ug sa mga opisyalis sa probinsiya nga gipangunahan ni Gobernador Edgar Chatto.
Link back to: Live Radio Recorded Broadcast Hot Topics