Us aka napaakan og iro dinhi sa dakbayan sa Tagbilaran nagpositibo sa rabies
Nov 5th, 2014 by Latest News
Giangkon sa hepe sa buhatan sa City Veterenarian nga problema gayud nila karon asa mangita og sakyanan nga kabutangan og mga layaw nga mga iro dinhi sa siyudad .
Matud ni Dr. Victoria Limbaga nga hangtud karon wa pa gyud maayo ang nagubang dogban maong naninguha sila karon nga makahuwam og aron aduna silay kabutangan.
Suma ni Dr. Limbaga nga nagplano usab sila nga mopalit og dogban apan madugay pa kay daghan pa’g proseso. Ang mga tigpaminawan sa stasyon DYRD kanunay magpadangat sa reklamo pinaagi sa Txtklamo Center nga daghang mga layawng iro sa mga kadalanan sa siyudad nga gikabalak-ang makapaak ug makaingon sa disgrasya sa mga sakyanan kung dili matagad sa mga tinogyanan.
Anaa pa sa mga 70 porsyento sa mga tawo nga adunay mga binuhing iro nga nituman sa patakaran sa pagpamuhi sa maong klase sa hayop.
Gipakadak-an usab sa taga City Veterenarian ang pagpamakuna sa mga iro.
Gitataw ni Limbaga nga luwas pa gihapon hangtud karon ang siyudad sa rabies apan giangkon nga adunay usa ka tawo nga nagpositibo sa rabies.
Aron way mga layawng iro dinhi sa dakbayan, giawhag sa City Veterenarian Officer ang mga tawong adunay mga binuhing iro sa pag-atiman sa sakto sa maong klase sa hayop.
Link back to: Live Radio Recorded Broadcast Hot Topics
