Gi-angkon sa buhatan sa Department of Socialwelfare and Development kon DSWD dinhi sa dakbayan sa tagbilaran nga dili nila matutukan ang paghatag ug pagtagad kabahin sa suliran sa mga bata nga magpalimos sa bisan asa nga dapit dinhi sa syudad.
Mar 4th, 2015 by Latest News
MARCH 04 / Lokal News / Allen D.
Gi-angkon sa buhatan sa Department of Socialwelfare and Development kon DSWD dinhi sa dakbayan sa tagbilaran nga dili nila matutukan ang paghatag ug pagtagad kabahin sa suliran sa mga bata nga magpalimos sa bisan asa nga dapit dinhi sa syudad.
Matud pa kang Cerena Cia Social Welfare Officer sa dswd nga kulang ang ilang panahon ug ginsakpan aron nga makontrolar ang nagkadaghan karon nga mga bata nga naglatagaw sa kadalanan ug magpalimos diin ang uban niini anaa lamang gawas sa mga mall ug sa mga parkingan sa mga sakyanan.
Gawas niini dili usab sila makahimo sa pagpanakop sa mga bata nga latagaw sanglit wala pa may pasilidad nga mamahimong kabutangan kon ugaling ila kining panakpon.
Una nang gi-reklamo sa pipila ka mga concern citizens ang mga bata nga nagpalimos sa kadalanan diin ang uban niini mga maldito kay kung dili hatagan matud pa nga masuko ug garasan ang ilang mga sakyanan.
Sa pagkakaron gibutyag ni cia nga ang ilang bugtong mabuhat mao ang magpatabang sa kapulisan aron sa pagpa-undang sa nahisgutang gimbuhaton.
Link back to: Live Radio Recorded Broadcast Hot Topics
