GI-IMBESTIGAHAN KARON SA SA DEPARTMENT OF ENVIRONMENT AND NATURAL RESOURCES ANG REKLAMO SA PUBLIKO BAHIN SA PAGPANGUBKOB OG BAS UG BATO SA SUBA SA PAMACSALAN LUNGSOD SA PILAR NGA GIKAHADLOKANG MAKAINGON SA PAGKAHUGNO SA TULAY TUNGOD SA NAGPADAYONG PAGPANGUBKOB
Feb 27th, 2015 by Latest News
Gimando ni Provincial Environment and Natural Resources Officer Nestor Canda ang pag-imbestigar sa giingong pagpanguha og bas ug bato sa suba sa Barangay Pamacsalan sa lungsod sa Pilar.
Matud ni Canda nga nakadawat na siya sa maong taho busa gipasusi niya sa iyang mga ginsakupan ang reklamo sa publiko bahin sa nagpadayon karon nga pagpangubkob sa maong suba.
Usa ka nagpakabanang lungsuranon nga nagpadala og litrato dinhi sa DyRD sa giingong quarry apan wa magpaila sa iyang pangalan nagkanayon nga wala taga-i og pagtagad sa mga opisyal sa lungsod ang maong reklamo.
Gikahadlokan sa publiko nga maguba ang tulay sa maong lugar tungod sa nagpadayong kalihukan sa suba diin matud pa nakutkot na ang ilawom nga bahin sa taytayan.
Nanghinaut ang mga katawhan nga matagad sa hintungdang ahensiya ang ilang reklamo.
Link back to: Live Radio Recorded Broadcast Hot Topics