GIANGKON SA LAND TRANSPORTATION OFFICE DINHI SA TAGBILARAN NGA DILI PA NILA MAPATUMAN SUGOD KARONG HUWEBES ANG ANTI-DRUNK AND DRUGGED DRIVING ACT TUNGOD KAY HANGTUD KARON WA PA SILAY APARATO NGA GITAWAG NGA BREATH ANALYZER
Mar 11th, 2015 by Latest News
LOKAL NGA BALITA
MARSO 10, 2015
REYTUT’s
GIANGKON SA LAND TRANSPORTATION OFFICE DINHI SA TAGBILARAN NGA DILI PA NILA MAPATUMAN SUGOD KARONG HUWEBES ANG ANTI-DRUNK AND DRUGGED DRIVING ACT TUNGOD KAY HANGTUD KARON WA PA SILAY APARATO NGA GITAWAG NGA BREATH ANALYZER
Giangkon sa Land Transportation Office sa dakbayan sa Tagbilaran nga dili pa nila mapatuman ang Republic Act 10586 kon Anti-Drunk and Drugged and Driving Act sugod karong Huwebes, Marso 12.
Si Erwin Patalinghug, Officer In Charge sa LTO-Tagbilaran district niingon nga dili pa sila kapatuman sa maong balaod tungod kay hangtud karon wa pa silay aparato nga gitawag nga”Breath Analyzer” gani ang mga buhatan sa LTO sa lalawigan sa Sugbo wa pa sab sa maong aparato.
Hinuon matud ni Patalinghug nga makapanakop sila sa ubang kalapasan sa balaod sa trapiko sa mga drayber.
Ipaubos pa una sa pagbansay-bansay o seminar ang mga kawani sa LTO o kaha traffic enforcer sa dili pa ipatuman ang naasoyng balaod.
Nasayran nga mokabat lang sa 16 mil pesos ang kantidad sa usa ka breath analyzer busa nanawagan ang tsirman sa Metro Manila Develoment Authority nga si Atty. Francis Tolentino sa mga pangagamhanang lokal ilabina gyud sa mga tourist destination nga motabang sa nasudnong pangagamhanang sa pagpalit sa maong aparato kay sa kinatibuk-an mikabat lang sa 150 ka mga breath analyzer ang gihuptan karon sa gobyerno.
Link back to: Live Radio Recorded Broadcast Hot Topics
