NASAGMUYO ANG BANAY SA NAPATAY’NG SI PO2 ROMEO CEMPRON, SAKOP SA PNP-SPECIAL ACTION FORCE SA ADMINISTRASYON NI PRESIDENTE NOYNOY AQUINO KALABOT SA NADANGATAN SA BOL-ANONG PULIS UG SA MGA KAUBAN NIINI ATUL SA PANAGSANGAKA DIDTO SA MAMASAPANO MAGUINDANAO
Mar 6th, 2015 by Latest News
LOKAL NGA BALITA
MARSO 5, 2015
REYTUT’s
NASAGMUYO ANG BANAY SA NAPATAY’NG SI PO2 ROMEO CEMPRON, SAKOP SA PNP-SPECIAL ACTION FORCE SA ADMINISTRASYON NI PRESIDENTE NOYNOY AQUINO KALABOT SA NADANGATAN SA BOL-ANONG PULIS UG SA MGA KAUBAN NIINI ATUL SA PANAGSANGAKA DIDTO SA MAMASAPANO MAGUINDANAO
Nipadayag og kasagmuyo ang banay ni PO2 Romeo Cempron, sakop sa Philippine National Police nga naapil sa pagkamatay sa panagsangka sa kapolisan batok sa MILF ug BIFF sa Mamasapano, Maguindanao sa administrasyon ni Presidente Noynoy Aquino.
Matud sa inahan ni PO2 Cempron nga si Proserfina nga nahinabi sa DyRD atul sa HEAT-IT Bohol Caravan kagahapon didto sa lungsod sa Bilar nga nadismaya siya kang Presidente Aquino kalabot sa nadangatan sa iyang anak ug sa mga kaubang pulis nga namatay nga matud pa dili unta kadto mahitabo o kaha gamay lang ang nakalas kung misuporta pa ang presidente sa operasyon.
Gipadayag ni Proserfina nga nakabangon na sila karon gikan sa trahedya nga ilang nabagatan. Atul sa gipahigayong HEAT-IT Caravan, nakadawat og tabang ang nahabiling banay ni PO2 Cempron alang sa ilang kapanginabuhian.
Sumala pa ni Proserfina nga gisalig na lang niya ang tanan ngadto sa Ginoo. Ang pamilya sa bol-anong pulis,usa lang sa banay sa 44 ka napatay’ng sakop sa SAF nga nasagmuyo sa administrayong Aquino.
Link back to: Live Radio Recorded Broadcast Hot Topics