NASIKOP SA BUY BUST OPERATION UG GIKATAHAPAN SA PAG PUSIL PATAY NI MEDIA BLOCK TIMER ENGINEER MAURITO LIM PORMAL NGA NAPA SAKA-AN UG KASONG ILLEGAL NGA PAGPAYUHOT UG GINADILING DRUGAS.
Mar 10th, 2015 by Latest News
BY WELI MAESTRADO
MARCH 10, 2015
NASIKOP SA BUY BUST OPERATION UG GIKATAHAPAN SA PAG PUSIL PATAY NI MEDIA BLOCK TIMER ENGINEER MAURITO LIM PORMAL NGA NAPA SAKA-AN UG KASONG ILLEGAL NGA PAGPAYUHOT UG GINADILING DRUGAS.
MAG ATUBANG- sa kaso nga pagpayuhot ug ginadiling drugas ug kaso nga pag patay ang gikatahapan nga nasikop sa buy bust operation nga gipa higayun sa kapolisan sa probinsya ug kapolisan sa syudad niadtong biyernes sa gabii human nga pormal nga napa saka sa piskaliya ang maong mga kaso.
Ang gikatahapan gipa ila sa kapolisan nga usa ka Giovane Orania-34 anyos ug lumad nga mo lupyo sa barangay Daurong sa lungsod sa Danao ug kasamtangan nag puyo sa dan F. Rocha ning syudad.
Atol sa buy bust operation nakuha-an ang gikatahapan gikan sa iyang posisyun, ug onse ka putos nga positibong drugas nga shabu nga mi timbang ngadto sa 0.54 ka gramo kini basi sa resulta sa gi himo nga chemistry report sa Crime Laboratory diha sa Camp Dagohoy.
Matud ni Police Senior Inspector Jojit Mananquil sa Provincial Intelligence Branch ang maong gikatahapan gi tumbok usab sa kapolisan sa dakbayan, nga responsabli sa pag pusil patay ni media block timer Engineer Maurito Lim basi sa pamahayag sa civilian nga naka kita sa suspek sa wa pa mahitabo ang pag pusil.
Ang kaso nga pag patay kon (Murder) ang napasaka na usab ni Police Senior Inspector Jacinto Mandal batok sa maong gikatahapan kagahapon sa hapon bisan ug wa pay resulta sa ballistic exam sa caliber 45 pistol nga nakuha gikan sa iyang posisyun atol sa buy bust operation.
Link back to: Live Radio Recorded Broadcast Hot Topics
