REPORT FROM ALLEN DOYDURA – MARCH 18, 2015
Mar 19th, 2015 by Latest News
February 18 / Local News / Allen D.
Mipasabot si Mayor Leonilla Montero sa lungsod sa panglao kabahin sa pagtumaw sa isyu labot sa pagtukod sa gi-ingong jetty port sa barangay tangnan sa maong lungsod.
Matud ni Montero nga ang nag-unang isyu sa pagtukod niini mao ang pipila ka mga sub contractor nga matud pa wala tuguti nga mo-dumala sa nahisgutang proyekto hinungdan nga gihimong kontrobersyal ang maong plano.
Adunay mi-guwa nga tahu nga matud pa wala naaprubahan sa Philippine ports authority kon PPA ang maong pantalan.
Apan matud sa mayor nga dili na kinahanglang paaprubahan sa PPA ang maong proyekto sanglit temporaryo lang matud ang nahisgutang pantalan.
Gipasabot usab sa mayor nga ang pagtukod sa pantalan kabahin usab sa pagpangadam sa pagatukoron nga new bohol airport diin didto na modungo ang mga barko nga kargahan sa mga dagkong kargamento.
Wala pa usab masayri kung i-pabilin ba o kuhaon ang maong pantalan kung mahuman na ang pagtukod sa airport.
February 18 / Local News / Allen D.
Mokabat na sa 29 ka mga proyekto ang natapos sa National Irrigation Administration kon NIA labot sa sistema sa panubig sa mga umahan sa nagkadaiyang municipalidad sa tibook lalawigan sa bohol.
Kini maoy gibutyag ni Mario Sande Regional Director sa NIA 7 atol sa pakighinabi sa dyrd balita kagahapong adlawa didto sa lungsod sa antequera, diin ang maong opisyal maoy nangunay sa pag-tunol sa mga sa programa sa NIA ngadto sa mga benipisyaryo sa maong lungsod atol foundation day.
Matud ni sande nga ang 29 ka mga proyekto sa irrigation napatuman sa 22 ka mga municipalidad sa tibook bohol lakip na ang lungsod sa antequera diin mokabat sa 46 milyon ka pesos ang kantidad sa maong proyekto sa panubig sa mga umahan.
Suma sa NIA regional director nga karong tuiga magpadayon ang ilang mga dagkong proyekto nga ponduhan ug minilyon aron nga daghan pang mga mag-uuma ang matabangan.
February 18 / Local News / Allen D.
Subling gihangyo ni SPO4 Winny Lopena hepe sa traffic police ning syudad ang Land Transportation Office nga tugutan sila pagbalik nga maka-isyu ug Temporary Operators Permit kon TOP ngadto sa mga traffic violator nga ilang madakpan.
Kini human nalantawan ni lopena nga nagkadaghan ang mga badlungon nga motorista apan walay mamahimong makadakop sanglit kulang ang personahe sa LTO.
Una nang gibutyag ni LTO registrar Erwin Patalinghug nga dinhi sa syudad siya lang ang otorisadong maka-isyu ug TOP ngadto sa mga traffic violator, hinungdan nga mi-sugyot si lopena nga ibalik kanila ang pag-isyu ug top aron matabangan ang LTO.
Apan si patalinghug nagkanayon nga wala pay mandu gikan sa ilang labawng buhatan kabahin sa hangyo ni lopena.
Hinoon gibutyag pag-usab ni patalinghug nga karong tuiga posibleng ibalik ang maong sistema human nga gipatawag na ang mga kadagkuan sa Highway Patrol Group ug mga pulis nga na-assign sa traffic aron hisgutan ang pagbalik sa TOP ngadto sa mga deputize personnel sa LTO.
February 18 / Local News / Allen D.
Mipatuman ug pag us-us sa presyo ang mga kompanya sa lana dinhi sa dakbayan sa Tagbilaran kagahapong adlawa.
Sa gihimong pagpanubay sa dyrd balita nga mokabat sa 50 sentabos ang gikunhod sa presyo sa gasolinA, 85 sentabos sa diesel ug 50 sentabos ang kunhod sa kerosene.
Gumikan niini ang kanhi 34.15 nga presyo sa gasolina anaa nalang sa 33.30 samtang sa diesel nga kanhi 42.45 matag litro ang presyo anaa nalang sa 41.95 ug ang 41.50 sa kerosene anaa nalang sa 41 pesos.
Ang nahisgutang mga bag-ong presyo gipatuman sa kompanyang shell,Caltex ug petron lakip na sa uban pang mga gasoline station sa dakbayan.
Link back to: Live Radio Recorded Broadcast Hot Topics
