REPORT FROM REY TUTAS – MARCH 19, 2015
Mar 19th, 2015 by Latest News
LOKAL NGA BALITA
MARSO 19, 2015
REYTUT’s
MAGMUGNA ANG SANGGUNIANG PANLALAWIGAN OG BALAOD NGA MAGDILI SA PAGBALIGYA SA MGA ILIMNONG MAKAHUBOG NGADTO SA MGA MENOR DE EDAD
Mohimo og pagtuon ang hunta probinsiyal kabahin sa pagmugna og balaod nga magdili sa pagbaligya sa mga ilimnong makahubog ngadto sa mga menor de edad nga nagmaneho panahon sa gabii ug hinungdan sa mga aksidente.
Si Bokal Cesar Tomas Lopez, Majority Floorleader ug chairman sa Committee on Health sa Sangguniang Panlalawigan niingon atul sa tigum sa Provincial Peace and Order Council kon PPOC niadtong Martes nga ipadangat niya kini ngadto sa hunta probinsiyal ang pagtuon sa pagmugna og palisiya nga magpahamtang og regulasyon sa pagbaligya sa mga ilimnong makahubog sa mga menor de edad o kaha dungan nga alcohol ug drug testing sa mga hubog nga drayber nga nalambigit sa mga aksidente.
Matud ni Tagbilaran LTO Registrar Erwin Patalinghug nga nagpaabot pa ang iyang buhatan sa 10 ka mga Alcoholic Breath Analyzer ug ang mga mobansay nga mga technical team nga moabot dinhi sa Bohol aron mapatuman na dinhi sa probinsya ang Anti Drunk and Drugged Driving Act kon Republic Act 10586 nga gisugdan na sa pagpatuman sugod niadtong Marso 12.
LOKAL NGA BALITA
MARSO 19, 2015
REYTUT’s
NANGANDAM KARON ANG BUHATAN SA AGRIKULTURA SA PROBINSIYA NUNOT SA NASINATING HUWAW KARON DIIN PIPILA KA MGA KAUMAHAN UG KABASAKAN NANGLIKI TUNGOD SA KAINIT SA PANAHON
Nangandam karon ang buhatan sa agrikultura sa probinsiya sa Bohol sa nasinati karon nga kainit sa panahon.
Matud ni Larry Pamugas, Officer In Charge sa Office of the Provincial Agriculturist kon OPA nga naglaraw sila nga mopahigayon og cloudseeding tungod kay ting-huwaw karon sip pagpangandam kon ugaling molanat kini og taas nga panahon nga makaingon sa pagkalaya ug pagkamatay sa mga pananom.
Sumala ni Pamugas nga dili angay mabalaka ang mga katawhan kay 80 porsyento ang mga naaning kaumahan samtang 20 porysento bag-ong gipangtanom.
Sumala sa taho, giingong dunay nangliking mga kabasakan ug kaumahan dinhi sa Bohol tungod sa nasinating init nga panahon busa gipangandaman kini og ayo sa probinsiya.
LOKAL NGA BALITA
MARSO 19, 2015
REYTUT’s
GIPADAYAG SA MGA MONGHE SA MARIAN SA BIRHEN SA SIMALA SA SIBONGA, SUGBO ANG DAKO NILANG KALIPAY TUNGOD SA LIG-ON NGA PAGHIGUGMA SA MGA BOL-ANON NGADTO SA LABAWNG MAKAGAGAHUM UG KANG BIRHENG MAMA MARIA SAMTANG MALAMPUSON ANG PAGBALIK SA MILAGROSANG BIRHEN NGADTO SA LALAWIGAN SA SUGBO KAGAHAPON
Gipadayag sa mga monghe sa Marian sa Birhen sa Simala sa Sibonga, Sugbo ang dako nilang kalipay sa mga bol-anon nga midugok ug mainitong ni-abi-abi sukad pa sa pag-abot sa milagrosang Birhen sa Simala dinhi sa dakbayan sa Tagbilaran.
Si Fra. Ma. Martin, ang superior sa mga Marian Monk nga maoy nangulo sa pagdala sa birhen dinhi sa dakbayan niingon nga nakita nila ang lig-on nga paghigugma sa mga bol-anon ngadto sa Labawng Makagagahum ug sa Birheng Mama Maria.
Matud ni Fra. Martin nga mapasalamaton sila sa mga bol-anon tungod kay hangtud kagahapong adlawa nga maoy katapusang adlaw sa pagduaw sa mahal nga birhen dinhi sa siyudad mainiton gihapon kini nga gidugok sa liboan ka mga deboto gikan sa mga kalungsuran sa Bohol nga maoy unang dapit sa nasud nga giduaw sa maong mahal nga birhen sa gawas sa probinsiya sa Cebu.
Malampuson nga nakabalik sa sugbo ang Birhen sa Simala sakay sa Elzon Fishing Vessel nga gipanag-iya sa magtiayong Elmer ug Tata Chavez kagahapon uban sa mga kaparian sa Diocese sa Tagbilaran.
Link back to: Live Radio Recorded Broadcast Hot Topics