REPORT FROM WELI MAESTRADO – APRIL 9, 2015
Apr 9th, 2015 by Latest News
GI ANGKON SA GI TUGYANAN SA CITY HEALTH OFFICE PAG MONITOR SA SAKIT NGA TUBERCULOSIS KON TB NGA ANG TANANG BARANGAY DINHI SA SYUDAD ANG APIKTADO SA MAONG SAKIT.
PADAYUN- nga nagpa himangno ang mga tinugyanan sa City Health kalabot sa pag katap sa sakit nga tuberculosis kon TB.
Gi butyag ni Israel ang nurse sa City Health Office nga gi tugyanan sa pag monitor sa maong sakit nga ang tanang 15 ka barangay dinhi sa syudad ang apiktado.
Nasayran nga nag una ang barangay Cogon nga kina daghanang pasyente, gi sundan kini sa barangay Booy nga anaa sa katibuk-an nga biktima sa maong sakit mo kabat ngadto sa 59 ka pasyente ang na enroll karong tuiga sa City Health Office sugod sa buwan sa Enero karong tuiga.
Sa milabay’ng tuig gi butyag ni Israel nga mo kabat sa 155 ka pasyente ang ilahang gi atiman pina agi sa pag mentinar sa tambal sa ilang mga pasyente nga ang maong pag atiman gi hatag nga libre ug gi butyag ni Israel nga senporsento sa maong pasyente ang naayo sa maong sakit.
Subli nagpahimangno si Israel nga kadtong mga nag duda pa nga nataptan sa maong sakit sa pagpa susi gi layun para kon anaa na siya sa maong sakit, ma tagad kini nila dayun, ug dugang gipang himangnuan ang publiko para pag likay nga ma biktima sa maong sakit pag likay samga taw nga mo atse ug mo ubo paatubang kay sagad kini nga hinungdan nga matakdan sa maong sakit.
APR. 9.’15
WELI M.
GI HIPNO NA ANG LARAW NGA PAG USAB SA CITY TRAFFIC ORDINANCE, HUMAN NGA ANG MGA BAG-ONG SAKOP SA CITY TRAFFI C MANAGEMENT OFFICE NATUDLUAN NA SA ILAHANG PAGA HIMUON SA USA KA WORKSHOP SEMINAR.
GI HIPNO – na ang laraw nga pag usab sa City Traffic Ordinance, human nga kagahapon malampuson ang gi himong workshop seminar para sa mga bag-ong sakop sa City Traffic Management Office ang bag ong gi hulma ug gi balik nga buhatan .
Kahinumduman karong bag-o gi subhan ni Tagbilaran City Mayor John Geesnell “Baba’ Yap ang maong buhatan u gang maong buhatan maoy tahasan nga mo tagad sa reklamo kabahin unya dagan sa trafico.
Sa workshop seminar kagahapon, nga gi tambungan sa mga konsihal nila ni konsihal Adam Relson Jala,konsihal Gerry Pabe, konsihal Lucelle Lagunay, konsihal Alberta Torralba ug konsihal Edgar Bompat.
Gi sugyot nga himuon nga usa ka institution nga buhatan sa syudad ang City Traffic Management Office ug karong umaabot nga Regular Session sa mga sakop sa Sangguniang Panlungsod gikatakda kini nga iduso sa mga konsihal nga mi tambong sa maong workshop seminar kagahapon.
APR. 9,’15
WELI M.
BUNGTOD SA BANAT-I SA BARANGAY BOOL GI PLANUHAN HIMUON SA PROBINSYA NGA USA KA ECO- TOURIST DEVELOPMENT NGA LUGAR.
GI HIPNO- na sa kagamhanan sa probinsya nga ang bungtud sa Banat-i sa barangay Bool ning syudad himuon nga usa ka Eco-Tourism Development nga lugar.
Kahinumduman niadtong Oktobre 15 sa milabay’ng tuig , hingpit nga mi takdo usa ka tuig human gi tay-og sa 7.2 magnitude nga linog ang lalawigan.
Gi handom sa mga Bol-anon ang maong maka lilisang nga hitabo,gipangunahan ni Governor Edgar Chatto didto sa bungtud sa Banat-i sa barangay Bool ug atol sa maong kalihukan gi himo ang laying of capsule nga didto gi plano tukuron ang usa ka Earthquake Shrine.
Kagahapon si Provincial Administrator Ae Damalerio mi butyag sa DYRD news nga gi plano sa kagamhanan karon sa probinsya nga unahon pag ugmad ang dan pina agi sa pag kongkreto niini nga may gitas-on nga 1.8 ka kilometro gikan sa highway duol sa gate sa Camella Homes.
Ang kagamhanan karon sa probinsya ni Governor Edgar Chatto ug 1st district Congressman Rene relampagos ug dakbayan ni Tagbilaran Ciotyu Mayor John Geesnell “Baba’ Yap nagka uyon nga ugmaron ang maong lugar para himuon nga usa Eco- Tourism Development nga lugar.
Link back to: Live Radio Recorded Broadcast Hot Topics