REPORT FROM WELI MAESTRADO – MARCH 25, 2015
Mar 24th, 2015 by Latest News
COMITIBA SA PUBLIC UTILITIES NAKIG TAGBO SA MGA SAKOP SA BOHOL ASSOCIATION OF HOTEL, RESORT AND RESTAURANT PARA SA PLANO NGA PAG AMENDAR SA ORDINANSA SA TRAFICO.
NAKIG TAGBO- kagahapon sa gipa higayon nga City Consultative Meeting ang comitiba sa Public Utilities ngadto sa mga sakop sa Bohol Association of Hotel and Restaurant kon (BAHRR) dinhi sa syudad.
Gi hisgutan sa maong tigom ang kabahin sa gi laraw sa kagamhanan karon ni City Mayor John Geesnell “Baba’ Yap nga amendahon ang daan nga City Traffic Ordinance.
Nasayran nga sa miaging sesyun sa mga sakop sa Sangguniang Panlungsod amenado ang tserman sa maong comitiba nga si konsihal Gerry Pabe nga daghan sa mga probation nga dili applicable karong panahuna.
Mao nga gi duso ni konsihal Pabe nga amendahon ang ubang mga probisyunes sa maong City Traffic Ordinance para mo haum karon san a usab na nga syudad sa Tagbilaran.
Ang gipa higayon nga City Consultative Meeting kagahapon gi tambungan kini nila ni konsihal Lucille Lagunay, Konsihal Edgar Bompat ug mga sakop sa BAHRR ug ang mga kadaiyang kahugpungan sa mga tricycle.
MAR 25,’15
WELI M.
TIGPAYUHOT UG GINADILING DRUGAS NGA NASIKOP SA GIPAHIGAYUN NGA RONDA SA LOBOC POLICE STATION GIPA SAKA-AN NA SA KASO SA PISKALIYA.
MAG ATUBANG- ug kaso nga illegal nga pag hupot sa ginadiling drugas ang gikatahapan nga nasikop sa gipahigayun nga ronda sa kapolisan sa Loboc nga gi himo niadtong domingo sa kadlawon human nga pormal nga napa saka ang kaso sa Provincial Fiscal kagahapon.
Ang gikatahapan si Elmer Bulac minyo ug mo lupyo sa barangay Uy sa lungsod sa Loboc ug atol sa ronda nakuha an ug upat ka putos nga drugas nga shabu ang gikatahapn nga mi timbang kini ngadto sa 0.04 ka gramo basi sa resulta sa chemistry report nga gi himo sa crime laboratory.
Matud ni Police Inspector Joseph Lopena hipe sa Loboc Police Station nga ang gikatahapan niadtong miaging tuig pa kini nila gi sundan nga tigpayuhot ug illegal nga drugas, pero na wa kini sa ilahang target setting gumikan kay mi larga kini ug laing lugar pero nasayransa intelligence report nga padayun kini sa pagpa yuhot hangtud karon sa iyang pagka sikop sa maong ronda.
Ang gikatahapan kasamtangan naka bilanggo karon sa Loboc Police Station ug gipa abot na ang pag dungog sa iyang kaso.
Link back to: Live Radio Recorded Broadcast Hot Topics